20 Sualda Təkamül Nəzəriyyəsinin Süqutu

KİTABI ENDİRİN

Download (DOC)
Şərhlər

KİTABIN BÖLÜMLƏRİ

< <
10 / total: 21

9. Klonlaşdırmanı təkamül nəzəriyyəsinin dəlili kimi təqdim etmək nə üçün yanlışdır?

Canlıların klonlanması (nüsxələnməsi) kimi elmi yenilik üçün "təkamül nəzəriyyəsini dəstəkləyirmi?" şəklində bir sualın verilməsi və ya ağıla gəlməsi belə, əslində, önəmli bir həqiqəti göstərir. Bu həqiqət göstərir ki, təkamülçülər müdafiə etdikləri nəzəriyyəni xalqa mənimsətmək uğrunda çoxlu bəsit təbliğatlara baş vururlar. Belə ki, təkamül nəzəriyyəsinin maraqlı bir yönü olmadığı üçün "nüsxələmə" mövzusu heç bir professional təkamülçü tərəfindən istifadə edilmir. Halbuki, necə olursa olsun, kor-koranə təkamül nəzəriyyəsini müdafiə etməyə çalışan, xüsusilə də bəzi yerli media qurumlarında toplaşan çevrələr belə maraqsız bir mövzunu da təkamül təbliğatına çevirməyə çalışırlar.

təkamül
 

Klonlama bir canlının DNT şifrindən istifadə edilib o canlının laboratoriya mühitində eyni nüsxəsinin yaradılmasıdır. Bioloji bir funksiya olan klonlamanın təkamüllə heç bir əlaqəsi yoxdur. Ortaya yeni bir növün və ya orqanın çıxması hər hansı bir yenilik və ya dəyişikliyin meydana gəlməsi mümkün deyil.

 

 

Canlıların klonlaşdırılması nə deməkdir?

klon qoyun
 

Nüsxələmə onsuz da mövcud olan canlı bir istehsal mexanizminə mövcud olan genetik bilginin əlavə edilməsindən ibarətdir. Bu funksiyada nə yeni bir mexanizm, nə də yeni bir genetik məlumat yaradılıb.

Klonlaşdırma prosesi üçün klonlaşdırılacaq canlının DNT-sindən istifadə edilir. Canlının bir hüceyrəsində olan DNT-si mikroskop altına qoyulur və o növdən olan başqa bir canlıya aid bir yumurta hüceyrəsinin içinə yerləşdirilir. Bundan dərhal sonra ona şok verilir və yumurta hüceyrə şok nəticəsində bölünməyə başlayır. Bölünməyə davam edən rüşeym o növdən olan hər hansı bir canlının bətninə yerləşdirilir və inkişaf edib doğulması gözlənilir.

Nə üçün təkamüllə əlaqəsi yoxdur?

Klonlaşdırma və təkamül anlayışları bir-birindən tamamilə fərqlidir. Təkamül nəzəriyyəsi cansız maddənin təsadüflər nəticəsində canlı əmələ gətirməsi üzərində qurulmuşdur. (Bu iddianın həyata keçəcəyinə aid heç bir dəlil yoxdur). Klonlaşdırma isə canlı hüceyrənin genetik maddəsindən istifadə edilərək o canlının nüsxələnməsidir. Onsuz da canlı olan bir hüceyrədən başlanılır və bioloji bir proses laboratoriya mühitində süni yolla həyata keçirilir. Yəni ortada təkamülün əsas iddiası olan "təsadüfi" bir proses və ya "cansız maddənin canlanması" kimi bir vəziyyət yoxdur.

klonlaşdırma
 

Klonlama mövzusu çox yaxınlarda elmi dairələrdə gündəmdə duran mühüm mövzu oldu. Məlum qanunlar çərçivəsində reallaşan bioloji bir mərhələ olmasına baxmayaraq, təkamülçülər hər yeni elmi inkişaf kimi, buna da nəzəriyyələrini dəstəkləmək həvəsi ilə sahib çıxmağa çalışdılar. Təkamülü ideoloji olaraq dəstəkləyən nəşriyyat orqanları da təkamülə meyilli şüarlarla mövzunu başlıqlara daşıdılar. Heç bir elmi əsası olmamasına baxmayaraq, mövzu müxtəlif polemikalarla təkamülün sübutu kimi təqdim edilməyə çalışıldı. Lakin mövzunun təkamülçü cəfəngiyatlarla heç bir əlaqəsinin olmadığı aydın idi. Elm dünyası təkamülçülərin bu gülünc cəhdinə əhəmiyyət vermədi. Yanda: klonlama funksiyasının necə reallaşdığını açıqlayan xarici elmi nəşriyyat.

Əslində, klonlaşdırma prosesi təkamülə heç bir dəlil vermir, ancaq təkamül nəzəriyyəsini kökündən məhv edən bioloji qanunun çox açıq sübutudur. Bu qanun məşhur alim Lui Pasterin XIX əsrin sonuna yaxın ortaya atdığı "həyat həyatdan gəlir" prinsipidir. Bu aşkar həqiqətə baxmayaraq, klonlaşdırmanın təkamülə dəlil kimi göstərilməsi mətbuat yolu ilə həyata keçirilən bir yanıltma və yalandır.

Bu saxtakarlıq, əslində, təkamülçülərin klassik üsuludur. Təkamül nəzəriyyəsinin ortaya atılmasından sonra daha ilk illərdən başlayaraq nəzəriyyəni qəbul etdirmək üçün müxtəlif təbliğat üsullarının istifadə edildiyini, hətta bəzi təkamülçü alimlərin elmi saxtakarlıqlara "əl atdığını" bilirik. Təkamülçü mətbuat da bu saxtakarlıqlarda ortaq olmuşdur. Mövcud olmayan dəlillər təlqin üsulu ilə xalqa təqdim edilmiş və insanların çox hissəsinin inanmasına nail olunmuşdur.

Ancaq xüsusilə son 30 il ərzində müxtəlif elm sahələrindəki irəliləyişlər canlıların meydana gəlməsinin təsadüf anlayışı ilə açıqlanmasının mümkünsüz olduğunu göstərmişdir. Təkamülçülərin elmi səhvləri və qərəzli şərhləri aşkar olunmuş və beləliklə, təkamül nəzəriyyəsi elm çərçivəsində sübut edilə bilməmişdir. Bu həqiqət isə təkamülçülərin bir qismini fərqli axtarışlara sövq etmişdir. Elə "canlıların klonlaşdırılması" kimi elmi irəliləyişlərin təkamülə dəlil olduğu barədə təbliğat bu səbəbdəndir.

Cəmiyyətə elm naminə söyləyəcək sözü qalmayan təkamülçülərin insanların məlumat azlığından faydalanaraq nəzəriyyəni dirçəltməyə çalışmaları yalnız o nəzəriyyənin elm tərəfdən acınacaqlı vəziyyətini göstərir. Digər bütün elmi irəliləyişlər kimi "klonlaşdırma"da canlıların yaradıldığını işıqlandıran çox vacib elmi irəliləyişdir.

Klonlaşdırma haqqında digər səhv anlayışlar

Klonlaşdırma barədə insanların digər səhv anlayışı isə klonlaşdırmanı "insan yaratmaq" kimi anlamalarıdır. Əslində isə klonlaşdırmanın bu cür mənası yoxdur. Klonlaşdırma mövcud olan canlı törəmə mexanizminə mövcud olan genetik məlumatı əlavə etməkdən ibarətdir. Mövcud olan insanın genetik məlumatı götürülür, bir ananın bətninə yerləşdirilir və ananın doğacağı yeni körpə genetik məlumatı götürülən şəxsin "eyni yumurta" əkizi olur.

Klonlaşdırmanın nə olduğunu bilməyən bir çoxları isə bu barədə xəyali düşüncələrə malikdir. Məsələn, 30 yaşında bir insanın hüceyrəsinin götürülərək elə həmin gün yenə 30 yaşlı surətinin əmələ gətirildiyini zənn edirlər. Ancaq sadəcə fantastik elmi filmlərdə rast gəlinən bu cür "klonlaşdırma" yoxdur və mümkün deyil. Klonlaşdırma, əslində, bir insanın "eyni yumurta əkizi"nin təbii yollarla (yəni ana bətnində) həyata gətirilməsidir. Bunun təkamül nəzəriyyəsi və "insan yaratmaq" anlayışı ilə heç bir əlaqəsi yoxdur.

Bir insanı və ya başqa hər hansı bir canlını yaratmaq, yəni yoxdan var etmək sadəcə Allah’a məxsusdur. Belə ki, elmi irəliləyişlər də bu yaratmanın insanlar tərəfindən həyata keçirilməsinin mümkün olmadığını göstərir. Bir ayədə belə buyurulur:

Göyləri və yeri icad edən Odur. Bir işin yaranmasını istədiyi zaman ona yalnız: "OL" - deyər və o da olar. (Bəqərə surəsi, 117)

 

 

10 / total 21
"Harun Yəhyanın 20 Sualda Təkamül Nəzəriyyəsinin Süqutu kitabını online oxuya bilər, facebook, twitter kimi ictimai şəbəkələrdə paylaşa bilər, kompüterinizə endirə bilər, dərs və tezislərinizdə istifadə edə bilər və saytı istinad göstərmək şərtiylə müəllif haqqı ödəmədən sayt və bloqlarınızda nəşr edə bilər və köçürüb çoxalda bilərsiniz."
Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top